مشي

رغم إن رجليه بتوجعه
والتراب مالي الرصيف
والعيال بيحبوا يقفوا ف سكته
وقت ما يحاول يعدي
والشمس متعتها الوحيدة إنها تعاكس قفاه
بس كان بيحب يرجع بيته مشي

كان حاسس إنه لما هيروح الوجع
مش هيلقى طريق يخطي عليه
مش هيلقى رصيف يساعه
مش هيلقى بيت يقابل خطوته
وقت ما يحب إنه يرجع بيته مشي

طيران

أنا ماخترتش الغربة
ولا عايز أكون وحدي
ولا قاصد أكون رحال
صحيح كان نفسي مرة أطير
يكون طيراني حرية
وغسيل للروح
وأكون فرحان
ولما أتعب من الطيران
ألاقي عنيكي تندهلي
تكوني الحضن والمرسى وبر أمان

ولما حاولت إني أطير
لقيت جناحاتي مكسورة
ومربوطة
ومقصوصة
ووهم كبير
لقيت غربة
ولقيت ترحال
لكن مالقيتش حرية
ولا فرحة
ولا أحضان
ولا جنة
ولا مرسى
ولا طيران
ومالقيتش الحياة حلوة
ومالقيتكيش

مارس

كل شيء في مارس يبدو زاهيا، مزدهرا، مكسوا بألوان الطيف، حتى نسيم مارس رائحته حلوة. كل شيء يبدو نقيا كأن الكون قد خلق في مارس

ربما هذا هو انطباعكم عن شهر مارس، هذا ما قرأته دائما في الكتب عن مارس وجمال مارس وروعة مارس وطبيعة مارس، لكني لم أختبره يوما من قبل.

بالنسبة لي، مارس هو شهر ليالي الأرق الأبدية، شهر رؤى الأشباح والغيلان والساحرات الشمطاوات، مارس بالنسبة لي هو شهر الكوابيس. هو أيضا شهر الموت، أمي ماتت في مارس، أبي تبعها في مارس أيضا، سعادتي وأحلامي وإشراقة وجهي اختفت في مارس. قلبي أيضا مات في مارس

كل ما بقي لي من مارس هي الذكريات التعيسة والأحلام المفزعة، مارس هو ما يربطني بالألم. ربما إن نجحت في التخلص من مارس فسأتخلص معه من ضعفي وخوفي وكآبتي وآلامي، ربما إن اختفى مارس فسيختفي معه الموت. غدا سأصدر مرسوما ملكيا بالتخلص من مارس بلا رجعة، غدا سيذهب مارس ولن يعود

كل شيء الآن أصبح مختلفا، الكون فقد شهر ميلاده، الطبيعة فقدت شهر عنفوانها، الآن فقدنا مارس. النهر لم يعد يفيض، الورود أصبحت لا تزهر أبدا، أرضنا أصبحت لا تنت الزرع، الحيوانات والطيور والأسماك كلها اختفت، لم تكن تتزاوج إلا في مارس. حتى الحب اختفى، لم نكن نحب إلا في مارس. كل الألوان تلاشت، كل الروائح تبددت، حتى النسيم أصبح لا يذكر. لكن كل هذا لا يقارن باختفاء البشر، كل الذين تزوجوا في مارس، كل الذين ولدوا وكبروا وضحكوا وبكوا وأحبوا وكسروا وماتوا، كل الذين عاشوا في مارس، كل هؤلاء اختفوا وصاروا مجرد صور على الحائط أو صفحات في الكتب.

ذهب مارس وذهب معه كل شيء، كل شيء إلا الكوابيس والألم والخوف والذكريات الموجعة، أصبحت الآن تهاجمني ليل نهار، صارت تأتيني كل الوقت. الآن أدرك أن مارس احتواها من أجلي، أدرك أنه حماني من سيطرتها علي باقي العام. آه كم أفتقدك يا مارس

افتقاد

من فترة طويلة النوم مجافيه

بقى يسهر يسأل نفسه

الناس اللي بيفضل طول الليل بيفكر فيهم

أصحابه اللي كتير وحشوه

نسيوه

ولا واحشهم أكتر

وبيسهروا طول الليل بيفكروا فيه

البنت اللي ماهوش قادر يصارحها إنه بيحلم بيها

وبيسهر طول الليل يشاغلها

ويصدق نفسه إنها فعلا عايزاه

وإنها أكتر منه بتحلم بيه

فيقرر إنه هيكتب حاجة

ويقول جواها اللي مخبيه

ويقول ع اللي بيشغل باله من غير ما يخاف من رد الفعل

بس المشكلة إنه بيسرح

وبينسى إنه هيكتب

وبينسى هيكتب ايه

من فترة طويلة النوم مجافيه

بقى يسهر طول الليل بيفكر

هي الشمس بقت تتأخر

ولا الشمس بتيجي ف نفس الوقت بتاعها

بس الليل هو اللي طويل

بي