غُربة

غُربة


عالم تانية
بوشوش تانية
أفكار تانية
وحوارات تانية
لكن إحساسي بيتكرر
والألم اللي أنا زهقان منه
برده اتكرر
إحساس بالتوهة وبالوحدة
بضياعي عن كل ما ليا
إحساس الدمعة على عنيّا
بالخوف بيعشش جوايا
بالحزن اللي أنا مخلوق منه
إحساس بالغربة بيخنقني
وبيأسرني
وبيقتل أحلامي الجايّه
إحساسي بيتكرر تاني
ف مكان تاني
وزمان تاني
وده معناه إننا قاسي
وإني ظلمت الناس حواليّا
علشان واضح قوي يا جماعة
العيب مش فيكم لأ فيّا