معطلكيش

بحبك، بس بستعبط
وماهحكيش
وهفضل كاتم الشوق اللي جوايا
ومريحكيش
وييجي اليوم تقابليني
وتاخدي وتدي ويايا
مكلمكيش
ومرة تانية نتقابل
هقولك قلبي مش فاضي
ومن فضلك
متحرجينيش
هتيجي تخنقي عليا
وتتحايلي
وتتمايلي
وتترجيني نتقابل
معبركيش
هتتخضي
وتحتدي
وهتثوري وتتشدي
هقولك بس براحة
متنفعليش
وهديكي كمان فرصة
هتحكيلي
وتشكيلي
وتترجيني أسمعلك
وكالعادة مهسمعكيش
وبعد الفرصة هحلقلك
وأسقعلك وأنفضلك
ومع كل اللي جوايا
هقولك برده م الآخر
معطلكيش
Ahmed Mohamed El-Saeed
22-8-2009