ساقية

 

رغم كلام الناس المرعب
رغم التحذير المتكرر 

كله يقرب 
كله يحاول إنه يجرب 
كله بيركب 
كله بيلعب نفس اللعبه 
نفس الفكره 
نفس الحركه 
كله بياخد نفس الدور 
 
بعد اللفه الأولى بيفرح 
يطلب تاني و تاني و يدفع 
بعد التانية بيبدأ يتعب 
بعد اللفه التالته يدوخ 
فجأه يحس بروحه بتطلع 
فجأة يلاقي الدنيا اسودت 
فجأة يلاقي عنيه بتدمع 
فجأة يحس بطعم الموت 
بعد اللفه يحاول يهرب 
بعد ما يهرب 
واحد تاني بيبدأ يركب 
تاني تقوم الساقية تدور