الحياة من حقنا

يا أيها الناس اللي أغراب عننا

أو حتى كنتم مننا

من فضلكم

من فضل أي حد عامل زيكم

ماتقربوش من أرضنا

و ماتزرعوش الجرح جوا حلمنا

و لا تمنعوش الفرحة تسكن قلبنا

من فضلكم

إدونا فرصة نعيش حياتنا بنفسنا

خلونا نتحمل غلطنا و صحنا

نرسم بإيدنا طريق حياتنا و عمرنا

من فضلكم

سيبوا الحياة توصل لنا

تسكن هنا

تعمل عمايلها ف قلوبنا و شكلنا

تقسم نصيبنا و بختنا

خلونا نوصل للإجابة بنفسنا

أصل الحياة من حقنا