فطاره الصبح كان دايما بياض بيضه
وبسكوته
ولبن أبيض
ويخرج لابس البدلة اللي لونها أبيض
ولابس جزمته البيضا
وتحتيها شراب أبيض
حيطان البيت داهنها كلها أبيض
وعربيته كمان بيضا
وعفش البيت كمان أبيض
مفاتيحه ومنديله ومحفظته
ونضارته وساعة ايده والمحمول
جايبها كلها بيضا
وحتى مكتبه في الشغل لونه أبيض
لكن رغم البياض حواليه
ورغم إنه بيرسم نفسه بالأبيض
وبيلون حدود الدنيا بالأبيض
بيفضل قلبه وسط اللوحة متلون بلون أسود
No comments:
Post a Comment