حياة أقل من العادية

مش جديد إن أنت مش لاقي الطريق 

مش جديد إنك لوحدك 

مش جديد إن أنت مش حاسس بنفسك 

مش جديد إنك تخاف 

مش جديد إن أنت مش عارف تعيش 

مش جديد إن أنت أحلامك تضيع 

مش جديدة إن أنت عايش ف السراب 

مش جديد إنك كده 

مش جديدة لما بكره يعدي من غير ما يلاقيك 

مش جديدة الشمس تطلع تحرقك 

مش جديدة لما ضِلَّك يبقى سابق خطوتك 

مش جديدة البحر مش راضي يواسيك 

مش جديدة العمر يسرق فرحتك 

مش جديدة لما قلبك يتقبض قبل امّا تضحك 

وامّا تضحك 

مش جديدة إنك بتنسى دنيتك 

مش جديدة إنك ف عز الضعف بتكون الحياة 

لما تبقى أنت لغيرك طوق نجاة 

مش جديدة إنك تتوه 

وأما تبقى ف عز توهتك ماتلاقيش طوق للنجاة 

مش جديدة إنك غريب 

مش جديدة لما نفسك تبقى مش مالكة لحياتك 

مش جديدة إنك تموت