Sunday, May 22, 2011

نكتة

النكتة اللي سمعها مليون مرة من مليو واحد، عمره ما عرف يضحك عليها، رغم إنهم دايما لما كل واحد يقول نكته كان هو لوحده بيضحك لما يقولها

رغم اختلاف التفاصيل الواضح وإصرار أصحاب النكت في كل مرة إن النكتة المرة دي جديدة أو على الأقل مختلفة، لكن كان دايما بيشوفها قديمة ومملة وبايخة، أو على الأقل متكررة

كان شايف إن النكتة بجد هي النكتة بتاعته، نكتة تشبهله باسمه وسنه وعنوانه وتفاصيل روحه. قالها مليون مرة لمليون واحد ولامرة حد عليها ضحك، رغم إنه كان دايما بيضحك وهو بيقولها

رغم إصراره إنها نكتة جديدة أو على الأقل مختلفة، كانوا دايما شايفينها قديمة ومملة وبايخة أو على الأقل متكررة