كالفراشات

كالفراشات
كُلُّ يومٍ يمُرُّ علينا...
أموتُ على مِقعَدي مرتيّن ..
وأُبعثُ من مَرقَدي مرتين ..
أموتُ إذا ما يحين الفراق
وأُبعث حين أراكَ تجِيء
أحوم ُ كمثل الفراشاتِ حولك
أُفارقُ شرنقتي ف الربيع..
أطيرُ بعيداً
وأمرحُ بالقفزِ بين يديك
وأنهلُ من شفتيكَ الرحيق
وحين يجيءُ الفراق....
فلا أستطيع النجاة بدونك
فأسقط أرضاً....
وفي سُرعة البرقِ أمضي

الفارق

هذا هو الفارق بين الهواة والمحترفين
رددتْ تلك الجملة على مسامعي ونحنُ نُطالع النص سوياً وللمرة السابعة في مُحاولةٍ يائِسة لإصلاح التركيبة الدِرامية وإيجاد النهاية المناسبة .
رفعتُ رأسي نحوها في بطء فوجدتُها تبتسم في نعومةٍ -لا تفتقر إليها- ولكن ما شدني هو نظرة التعاطف العجيبة في عينيها . عدلت من وضع منظاري الطبي ورحت أتأمل عينيها كما أحببتُ دوماً ولكنها كعادتها أشاحت بوجهها عني ونظرت باتجاه النافذة الوحيدة في الغرفة ثم استدارت نحوي فجأة وقالت " أنت تعلمُ كم أكره أن تنظر في عينيّ " .
تابعتُ النظر إليها في صمتٍ -لم يقطعهُ سوى صوت الريح تضربُ النافذة وكأنها تستجدينا أن نسمح لها بالدخول- ثم قلتُ لها في حِدة " وأنت تعلمين كم أكره نظرات الشفقة وكلمات الرثاء " . عقدت حاجبيها ونظرت نحوي في استغراب فأردفت وأنا أعيد ترتيب الأوراق : " أتدرين ما المشكلة؟ أني في كل مرة أفقد السيطرة على الأشخاص ؛ فبدلاً أن أتحكم أنا في الأحداث، أجدني أسير إلى حيث لا أدري ولا أريد " .
ضحكت في هدوءٍ –على غير عادتها- ثم نهضت لتلملم معي بعض الأوراق . رفعتُ رأسي إليها ثانية فرأيتها تبتسم في رقةٍ -لم أرَها من قبل- ثم قالت " الفارق بين الهواة والمحترفين لا يكمن في السيطرة، لكن في الإرادة"

تمت

يفرق ف ايه

يفرق ف إيه بكره وبعده
ولا إنهارده عن إمبارح
أيامي مبقوش بيعدوا
معرفش أنا جاي أو رايح
رجليا شابكة ف بعضيها
وعينيا في ضلمه عليها
والساعة ف إيديا اتكسرت
والقلب ف الأحزان سارح
بسألني وبرد عليا
والرد مش بيريحني
الحلم ليه مبيكملشي
والفرحة ليه مبتفضلشي
والعمر ليه مسروق مني
وريقي ليه دايما مالح

دنيا جديدة

دُنيا جديدة
أنا هفتح قلبي على الآخر
وهسيبه يحب كمان وكمان
وهقول للأيام أنا قادر
وهعيش الدنيا زي زمان
هعشق تاني
هحلم تاني
وهغير نظرتي للعالم
وهشوف الدنيا بشكل جديد
هضحك حبه
هرقص حبه
هتصرف وكأننا في العيد
مش هشغل بالي بيوم عدا
ولا هحسب بكره هييجي إزاي
الماضي هيفضل ف الماضي
وبكره دا بكره هسيبه لبكره
وتعالى ليومنا نعيشه بجد
اعملي زيي
واتصرف وكأنك مني
غمض عينك
شد الهوا على صدرك جااامد
سيب نفسك للهوى من حواليك
افتح دراعاتك للدنيا
هتلاقي الناس ماشية بتضحك
و عنيهم مليانة شقاوة
اضحك ليهم
وافتح ايدك ضم ايديهم
هتلاقي الدنيا تضحكلك
وتلاقي العالم من حواليك فاتح حضنه
بيضمك جامد على قلبه
وبياخد من دنيا قديمة
لدنيا سعيدة
دنيا هتظهر جوا ملامحك
ويبان تأثيرها جبينك
دنيا تقولك افتح قلبك
وإدي لنفسك فرصة جديدة