حب

إذا حبك حلال ليا
فأنا عابد
وشيخ لطريقة العاشقين
وأنا أول شهيد ليكي
وأنا آخر إمام بيصلي لعنيكي
وأنا صديق
وأنا آخر نبي مرسل
وحبك هو معجزتي وكتابي وآية للتابعين

ولو حبك عليا حرام
فأنا شيطان
ومولود من ضلوع مارد وجنية
ومخلوق من نيران قايدة
ولا يمكن يطفي النار سوى وجودك حواليا

وفي الحالتين
إذا حبك حلال ليا
ولو حبك عليا حرام
فأنا مش عايز الجنة
ولا خايف من إني أتشوي في النار
أنا عايزك
وأنا في مجمل الأحوال
كفاية عليا أكون ليكي
وتبقي أنتي الحياة ليا