Friday, September 6, 2013

مبسوط!

ليلة كان فيها القمر ميّت
والصحاب تايهين
والوجع بس اللي صاحي
وقلبها هو اللي كان مستعد يسمعك
ليه مارضتش تحكيله؟
ليه انتظرت إن القمر يرجع
أو الوجع يخلص
وإن الصحاب يصحوا
ليه انتظرت اللي انقضى إنه يعود
ليه انتظرت إن الحياة هتمل عوايدها
وهتبتدي تحبك
ليه انتظرت إن القلب اللي مات م العطش يطرح خضار
وأنت أدرى الناس إن اللي مات مش بيرجع
ليه ما ارتضتش بالحلم الوحيد اللي عاشلك
دلوقتي مافضلش من روحك غير السكوت
مبسوط؟!

1 comment: