الشرخ الساكن جوايا عمال بيزيد
و الكون الواسع حواليا عمال بيضيق
الدنيا ف عيني بتتغير
و الفرحة ف حلقي بتتمرر
و القلب الساكن جوايا مابقاش بيطير
أيام العمر بينسوني
و الناس حواليا بيرموني
و الدنيا اللي أنا بهرب منها عمالة تزيد
الغربة بتقتل أحلامي
و الوحدة بتسرق أيامي
و النور اللي أنا مخلوق منه مابقاش بيقيد
الفكرة بتبعد عن إيدي
و المعنى بيهرب من روحي
و الشخص اللي أنا عايز أكونه مابقاش موجود
No comments:
Post a Comment