أيوه أنا لسه لحد الوقتي بخاف م الضلمه
و لسه بشوف البيت بالليل مليان عفاريت
لسه بسد وداني
و اداري عنيا ف حضن سريري
و لسه لحد الوقتي بشوف كوابيس
أيوه أنا لسه لحد الوقتي بخاف م الناس
بخاف من نظرة عينهم ليا
و أخاف من صوتهم
و أخاف لو حاول حد يقرب مني
أخاف من فعله، و أخاف من ردة فعلي
ولسه لحد الوقتي بلاقي خدودي تجيب ألوان
أيوه أنا لسه لحد الوقتي بخاف م الدنيا
و أخاف من نفسي
و أخاف من أي غريب عن عيني
أخاف م الجاي و م المجهول
و أخاف من بكره و أخاف من بعده
و هفضل طول أيامي أخاف
دي انا ....
ReplyDeleteايوة ....
اجبن جبانة ف عالم الجبناء
بس للأسف ... لو جت على قد الحاجات دي .. لكن المشكلة ان في كمية حاجات تانية اكتر منها بترعب مش بتخوف
و هفضل طول ايامي بخاف
حلوة قوي يا احمد
مش مشكلة تبقى لسة بتخاف
بس المهم متبقاش لسة زعلان من الناس :D
salma mostafa :))
ربنا يخليكي يا سلمى والله بجد دايماً بتحرجيني بذوقك والله
ReplyDeleteشوفي
أكيد في حاجات أكتر بكتير أنا شخصياً بخاف منها
بس الفكرة هنا مش في مجرد الخوف
الفكرة في الخوف اللي بيأثر على مناطق معينة جوايا
الفقرة الأولى عايز أقول فيها إني بخاف من الكوابيس فعشان كده قررت أبطل أحلم
الفقرة التانية فيها إني بخاف من الناس ومن رأيهم فيا فبقيت مش اجتماعي و مش بعرف أتعامل مع الناس بطريقة كويسة
الفقرة التالتة هي الخوف من المستقبل و من المجهول فبقيت دايماً ماشي جنب الحيط و دايماً مش بغامر ولا باخد خطوات جريئة
تقدري تقولي القصيدة دي إجابة عن السؤال اللي دايماً بسأله لنفسي، أنا ليه كده و مش كده
:-D
انا فاهماك يااحمد
ReplyDeleteو اللي قصدته برضه من اني بخاف نفس الفكرة
انه في حاجات كتير بيبقى سهل اعملها و عارفة انها اقل بكتير من قدراتي و لمجرد اني خفت مش عملتها
و مواقف كتير بسبب انك بتبقى خايف من الناس بتتصرف عكس اللي نفسك تعمله و اللي كان ف دماغك
اكيد لو كان الخوف على قد الضلمة و لا العفاريت كان يبقى اهون بكتير
هييجي يوم اكيد و ده هيتغير
لأنه بالرغم من انه موجود فهو اقل من زمان و ان كان على قلته بقى بيدايق اكتر :(
الخوف
ReplyDeleteهو احنا مش بنخاف من ايه
احنا بنخاف من حاجات كتير
الكوابيس مخيفة بس المخيف اكتر انك تكون عارف سببها
وحاسس بيها
الباقي بقى
لمسني لدرجة اني ماعنديش تعليق
:(((